Filemon de curhat soal de punya pacar ke Obed.
Filemon : “Sa pusing sekali... deng Marince pu kelakuan”
Obed : “Bah...Kenapa lagi, deng ko punya pacar itu?”
Filemon : “Adouwww... sa ini macam tra bisa lepas dari de punya pengawasan kah apa?!”
Obed : “Memang kenapa??”
Filemon : “Dari pagi de su telpon... sudah bangun kah?? Agak siang sedikit de telpon... sudah sarapan kah??”
Obed : “Bah... itu namanya de perhatian to??!”
Filemon : “Perhatian kalau over begitu... bikin sa jadi malas??”
Obed : “Tra apa.. lama-lama ko akan terbiasa itu!”
Filemon : “Iyo, terbiasa pusing... gara-gara de cemburulah, yang curiga sa punya pacar lain lah..”
Obed : “Adouwww... kalau mau tra pusing... sa punya solusi buat ko?!”
Filemon : “Solusinya apa kawan...!!”
Obed : “Solusinya... tra usah pacaran to...begitu saja ko repot?!!” (tri)
Editor : Agung Trihandono