Filemon hari ini belum masuk Kerja. Obed akhirnya singgah ke tempat kost Filemon.
Obed : “Mon.. kenapa ko tra masuk kerja kah?"
Filemon : “Iyo kawan.. sa ada pusing ini!”
Obed : “Ko pusing apa?? Gara-gara perang di Timur Tengah belum berhenti kah?”
Filemon : “Adouww... itu lagi!! Lama-lama hidup ini ko jadi berat!”
Obed : “Kawan, ko dengar sa... kitong ini adalah sejauh apa yang kitong pikirkan!!”
Filemon : “Ko maksud bagaimana itu??”
Obed : “Begini kawan.. kalau kita pikir berat, ya pasti rasa berat.. kalau pikir dan anggap ringan.. ya pasti ringan”
Filemon : “Adouww kawan.. ko ini macam Mario Teguh saja!! Hidup ini tak semudah yang ko omongkan itu kawan??!”
Obed ganas : “Iyo sudah.. kalau ko jalani hidup ini rasa berat dan su ko tra kuat... coba ko oper gigi satu to... siapa tahu jadi ringan!!”
Filemon : “Hah...@@@???? Ko pikir hidup ini macam ko punya motor Kaskado itu kah?? (tri)
Editor : Agung Trihandono