Filemon datang makan singkong goreng, tiba-tiba de punya makanan jatuh dari kantong plastik.
Tra pake lama, Obed langsung ambil dan makan di de punya mulut.
Filemon: " Kawan ko ini macam kelaparan sekali kah? Barang su jatuh, baru ko makan itu.."
Obed : "Iyo kawan...sa su lapar sekali...biasa dapat MBG ..hari tra ada jadi.."
Filemon : "Adouuww..kasihan sekali ko ini... kawan!"
Obed : "Ko punya makanan masih ada kah, kawan??"
Filemon : "Tenang saja...Ko ikut saya kawan...!"
Tra lama dorang pergi ke tempat orang jualan singkong goreng.
Obed : "Kawan..ko punya uang buat beli singkong kah??"
Filemon: "Ah tra ada kawan...?"
Obed: "Trus buat apa ko ajak ke sini??
Filemon kasih tunjuk singkong goreng yang jatuh di tanah: "Itu ada sa punya singkong yang jatuh tadi,... ko ambil dan makan sudah..!!"
Obed : "Hah...@@@????" (tri)
Editor : Agung Trihandono