Hari Sabtu ini Mama de mau tengok Tete yang sakit. Mama rencana mau bawa oleh-oleh untuk Tete.
Jadi de suruh Obed beli apel dulu sebelum ke rumah Tete di kampung.
Mama : “Obed ko pergi beli apel di penjual buah di depan sana ya?!”
Obed : “Siap mama..”
Mama : “Pilih apel yang manis ya!??”
Obed : “Oke.. tenang saja ma...pasti manis klo sa yg beli”
Tra lama Obed de datang, de bawa satu kantong apel. Tapi mama kaget, semua apel macam ada bekas gigit kelelawar buah.
Mama : “Obed.. ini kenapa semua apelnya, ada bekas gigitan kah??”
Obed : “O Iya mama... itu semua apel manis...sa su rasa semua itu!”
Mama : “Adouwww... kenapa ko gigit begini.. kan cukup tanya ke penjualnya to!?”
Obed : “Adouww mama, sa tra yakin deng penjual, nanti de tipu sa lagi... Makanya, sa rasa semua dulu to..”
Mama : “Adouwww ko ini... Apel ini, Mama mau kasih Tete yang sakit darah rendah!”
Obed : “Iyo bagus to ma... nanti kalau makan ini, de punya darah bisa naik to..”
Mama jengkel : “Hah... yang ada Tete bisa step... kejang..stroke... kasih apel bekas ko punya gigitan ini! (tri)
Editor : Agung Trihandono