Satu kali Obed deng Filemon main ke tempat Tete. Di situ, Tete kasih banyak nasehat ke dorang.
Tete : “Kam dua itu sekolah yang benar, jangan suka bolos kalau jam pelajaran?”
Filemon : “Ah... tra ada Tete... Sa ini anak paling rajin sudah di sekolah”
Tete : “Nah... begitu!!”
Obed nyahut : “Adouww.. Tete ini tra tahu Filemon saja..!”
Tete : “Bah.. memang kenapa Filemon..??”
Obed : “Filemon itu tipu saja... kitong ini barusan bolos sekolah.. makanya main di rumah Tete, belum berani pulang..!”
Tete : “Adouwww.. kam dua ini!! Ko dengar nasehat Tete.. jadi anak rajin supaya besar jadi orang kaya..”
Obed : “Ahh.. iyo kah Tete??”
Tete : “Adouww ko ini tra percaya kah?? Tete ini.. su banyak makan asam garam dalam kehidupan ini”
Obed : “Oo....Pantasan Tete sekaran sering kena asam lambung dan darah tinggi to..”
Tete : “Hah...@@@???!!!” (tri)