Di kompleks perumahan, dorang ada persiapan pemilihan ketua RT.
Filemon: “Obed...ko tra ikut maju calon ketua RT kah?”
Obed : “Buat apa, maju jadi ketua RT mon, sa kan masih bujang jomblo.. masak mau jadi ketua RT..”
Filemon : “Adouww kawan...!! Kalau jadi Ketua RT, ko itu punya kesempatan berbuat baik dan melayani masyarakat to..”
Obed : “Terus...manfaatnya buat sa apa kah??”
Filemon : “Booo... ko punya nama jadi harum to di komplek ini, siapa tahu Mince, bunga paling cantik di komplek ini mau jadi ko pu istri to?!!”
Obed : “Sa tra mau punya nama jadi harum...!”
Filemon : “Bah.. kenapa kah??”
Obed : “Sa kasih tahu ko ya?! Lalat itu sebenarnya juga tahu kalau bunga itu harum daripada sampah...”
Filemon : “Terus...??!”
Obed : “Tapi lalat ini de sadar kalo yang ditunggu bunga itu kupu-kupu bukan lalat!!”
Filemon : “Adouww.. ko punya kata-kata ini, macam ko ini Lalat Ijo saja!!!” (tri)
